Türkiyə

Çoban illərdir axtarılan cinayətkar çıxdı - 223 illik hökm, 55 cinayət... - FOTO

20 Aprel 2025 00:25

Baxış: 2 618

VTB-də minimal faiz dərəcəsi ilə nağd kredit 9.9%-dən

#MARAQLI #HADİSƏ #TÜRKİYƏ

Batman bölgəsində film səhnələrini xatırladan hadisə baş verib.

Milli.Az xəbər verir ki, 223 il həbs cəzası ilə axtarışda olan və barəsində 20 vilayətdə 55 axtarış qərarı çıxarılan M.Ş.B. jandarma tərəfindən saxlanılıb. Cinayətkar uzun müddətdir Beşiri rayonunun ucqar dağ kəndində çoban kimi gizlənərək yaşayırmış.

Batman İl Jandarma Komandanlığına bağlı Jandarma Cinayət Axtarış Qrupları (JASAT) 8 ay əvvəl əməliyyata başlayaraq M.Ş.B.-nin izinə düşüb. "Mülkiyyətə qarşı cinayət" maddəsi ilə axtarılan şəxs nəhayət çoban işlədiyi ərazidə yaxalanıb.

Araşdırmalar nəticəsində məlum olub ki, M.Ş.B. qeydiyyatda olduğu Sason rayonundan uzaq bir kəndə - Beşiri bölgəsinə gedərək, heç bir qohumunun olmadığı yerdə çobanlıq edirmiş.

Jandarma tərəfindən keçirilən əməliyyatdan sonra şübhəli ədliyyəyə sövq olunub və barəsində çıxarılmış hökm əsasında Batman T Tipi Qapalı Cəza Təşkilatına göndərilib.

Fidan
Milli.Az