Türkiyə

“Baykar” ilk peykini kosmosa buraxdı - VİDEO

15 Yanvar 2025 10:55
Baxış: 1 398
VTB-də minimal faiz dərəcəsi ilə nağd kredit 9.9%-dən
#MARAQLI #VİDEO #TÜRKİYƏ #KOSMOS

Türkiyənin müdafiə sənayesinin qabaqcıl şirkətlərindən biri olan Baykar kosmos sektorunda mühüm bir addım ataraq ilk peykini orbitə çıxarıb.

Milli.Az Türkiyə mediasına istinadla xəbər verir ki, şirkətin törəmə qurumu olan Fergani Space tərəfindən hazırlanan "FGN-100-d1" adlı peyk SpaceX-in Transporter-12 missiyası çərçivəsində orbitə göndərilib.

Peyk 131 digər faydalı yüklə birlikdə ABŞ-ın Kaliforniya ştatında yerləşən Vandenberq Kosmik Qüvvələri Bazasından Falcon 9 raketi vasitəsilə uğurla buraxılıb.

Baykar İdarə Heyətinin sədri Səlcuq Bayraktar bu uğurun təxminən 20 illik hədəflərin nəticəsi olduğunu bildirib:

"Biz hədəflərimizi daha da irəli apararaq kosmos araşdırmalarına start verdik. Fərqani layihəsi ilə qlobal yerləşdirmə sistemini inkişaf etdirmək və kosmos texnologiyalarında öncül olmaq əsas məqsədimizdir", - deyə Bayraktar qeyd edib.

Bu uğur Baykar şirkətinin kosmos sənayesində yeni bir mərhələyə keçid etdiyini göstərir və gələcəkdə daha böyük layihələrin həyata keçiriləcəyinə işarədir.

Fidan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.