Türkiyə

Binəli Yıldırım da Azərbaycana başsağlığı verdi

27 Yanvar 2023 12:19

Baxış: 776

#IRAN #TÜRKİYƏ

Türk Dövlətlər Təşkilatının (TDT) Ağsaqqallar Şurasının sədri Binəli Yıldırım Azərbaycanın İrandakı səfirliyinə edilən hücumu pisləyib.

Milli.Az Trend-ə istinadən xəbər verir ki, bu barədə o tvitter hesabında qeyd edib.

"Azərbaycanın Tehran səfirliyinə edilən hücumu qınayıram. Hücumda şəhid olan qardaşımıza Allahdan rəhmət, Can Azərbaycana başsağlığı və yaralılara təcili şəfalar diləyirəm", - deyə paylaşımda bildirilib.

Qeyd edək ki, bu gün Bakı vaxtı ilə səhər saat 8:30 radələrində Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs kalaşnikov markalı avtomat silahla mühafizə postunu yararaq, mühafizə xidmətinin rəisini qətlə yetirib. Səfirliyin iki nəfər mühafizə əməkdaşı da hücumun qarşısını alarkən yaralanıblar.

Milli.Az