İdman

Güneyli boksçunun bu açıqlaması İranı qarışdırdı: "Azərbaycanda..."

14 Oktyabr 2021 21:37
2 Şərh     Baxış: 3 492

Əslən Güney Azərbaycanın Zəncan bölgəsindən olan boksçu Fərşid Rüstəminin açıqlamaları İranda qalmaqala səbəb olub.

Milli.Az konkret.az-a istinadən bildirir ki, o, iştirak etdiyi verilişlərdən birində aparıcının suallarını cavablandırarkən Azərbaycan Cümhuriyyəti və İranda idmançılara verilən dəyəri müqayisə edib.  İdmançının sözlərinə görə, İranda boksla professional qaydada məşğul olmasına baxmayaraq, Azərbaycana gəldikdə məşqçisi Nəriman Abdullayev ona bildirib ki, "sən yumruq atmağı bacarırsan, boksu deyil". 

Onun sözlərinə görə, məşqçilər bildiriblər ki, sənin indiyədək uğurlarının səbəbi fiziki olaraq güclü olmağınla bağlıdır, əslində İranda sənə boksun heç bir taktikasını öyrətməyiblər. 

Bundan sonra isə Fərşid Azərbaycanda boksu yenidən sıfırdan öyrənməyə başlayıb. Aparıcı daha sonra idmançıya Azərbaycan Cümhuriyyətində idman karyerasını davam etdirməyə görə nə vaxtsa öz-özlüyündə peşiman olub-olmadığı ilə bağlı sual verib. O isə əvəzində heç vaxt bunun baş vermədiyini, bütün həyatını Azərbaycan Cümhuriyyətinə borclu olduğunu deyib.  Fərşid daha sonra Azərbaycanla İranda idmançılara verilən dəyəri müqayisə edib. 

O bildirib ki, əgər Zəncanda qalsaydı, hazırda böyük ehtimalla işsiz-gücsüz bir insan olacaqdı. Azərbaycana gəldikdən sonra isə burada Azərbaycan dövləti və şəxsən Prezident İlham Əliyevin idmançılara göstərdiyi dəstək və qayğı nəticəsində karyerasının inkişafı ilə yanaşı, şəxsi biznes qura bildiyini, eləcə də bədən tərbiyəsi üzrə doktorluq dərəcəsi aldığını deyib.

Fərşid sonda bildirib ki, İranda yarışlarda udduğu mükafatların (qızıl) dəyəri çox aşağı olub və onlar yalnız yarışlara qatılmaq üçün Tehran-Zəncan yolunu gedib- gəlməyə sərf etməyə çatıb.

Milli.Az

Şərh yaz:

2 Şərh:

  • Anonim
    !!! · 14 Oktyabr 22:3410

    Düz söz yandırır axı))) (Qayınana k/f-dən).

    Cavab yaz
  • Anonim
    asi · 15 Oktyabr 10:4211

    Azərbaycan xarici idmançılara çoxlu pul ödəyincə, o pulu öz sonydaşlarımıza ödəsin, həm güneyli, həm də başqa ölkələrdə yaşayan..Beləlikə həm güneyli soydaşlarımızı Azərbaycana yaxınlaşdırsın, həm də dünya azərbaycanlılarını..

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.