İdman

Qurban Qurbanov "Barselona"nın uğur sirlərini açıqladı

18 Yanvar 2012 10:32
0 Şərh     Baxış: 1 004
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
"Qarabağ" klubunun baş məşqçisi Qurban Qurbanovun "Barselona"da keçdiyi təcrübə müddəti başa çatıb.

Qol.Az-ın klubun rəsmi saytına istinadən verdiyi məlumata görə, baş məşqçi Antalyaya dönərək komandasının düşərgəsinə qoşulub.

Təcrübəli mütəxəssis səfərlə bağlı təəssüratlarını bildirib: "İlk öncə onu deyim ki, olduqca faydalı səfər oldu. Hətta deyərdim ki, gözlədiyimizdən də səmərəli keçdi. Proqramımız yaxşı tərtib olunmuşdu. Bizi çox isti qarşıladılar. Səfər müddətində faydalı görüşlərimiz baş tutdu".

Q.Qurbanov İspaniyada bir neçə matçı stadiondan izlədiyini deyib: "Öncə "Barselona"nın ölkə kubokunda  "Osasuna" ilə oyununu izləməyi planlaşdırsaq da, müəyyən görüşlər səbəbindən səfərimizi təxirə saldıq. Əvəzində "Espanyol"un "Kordoba"nı  4:2 hesabıyla  məğlub etdiyi oyunu izlədik. "Barselona"nın çempionatda "Real Betis"i eyni hesabla məğlub etdiyi oyunda da stadionda idik.

Əsas komandayla yanaşı, 7 yaşından əvəzedicilərə qədər bütün yaş qruplarının məşqlərində olduq. "Barselona"nın  dünyanın ən güclüsü olduğunu "göy-qırmızı"ların bütün yaş qruplarının fəlsəfəsinin eyni olmasında gördüm. Ümumilikdə isə səfərlə bağlı yalnız xoş xatirələrim var".

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.