İdman

"Liverpul"la düşsək, onları məhv edəcəyik" - Zidan

12 Dekabr 2019 17:19

8 Şərh Baxış: 2 302

#ÇEMPİONLAR LİQASI #REAL MADRİD #FUTBOL #LİVERPUL #ZİNNƏDİN ZİDAN

"Bu qələbədən razıyıq. Görüşün əvvəlində çətinliklər oldu. Ancaq oyunçularıma oyuna uyğunlaşmaq üçün 10 və ya 15 dəqiqə lazım oldu. İkinci hissədə isə daha yaxşı oynadıq".

Milli.Az qol.az-a istinadən yaydığı xəbərə görə, bu sözləri "Real"ın baş məşqçisi Zinəddin Zidan Çempionlar Liqasının qrup mərhələsinin sonuncu turunda "Brügge" ilə oyundan (3:1) sonra deyib.

"Yoviçin az qol vurması mənim problemimdir. Onunla işləməyə davam etmək lazımdır. Bəli, ona çətindir. Çünki az oynayır. Amma Yoviç vəziyyəti başa düşür" - deyə o bildirib.

Fransalı mütəxəssis 1/8 finalda "Liverpul"la düşməkdən çəkinib-çəkinmədikləri ilə bağlı sualı belə cavablandırıb: "Əgər biz "Liverpul"la düşsək, onları məhv edəcəyik (gülür)".

Milli.Az