İdman

"Qarabağ" İspaniya səfərində

28 Noyabr 2019 10:15

0 Şərh Baxış: 1 513

#QARABAĞ #AVROPA LİQASI #FUTBOL #SEVİLYA FK

Bu gün Avropa Liqasının qrup mərhələsində 5-ci turun oyunları keçiriləcək.

Milli.Az qol.az-a istinadən xəbər verir ki, turnirdə ölkəmizi təmsil edən "Qarabağ" da növbəti matçına çıxacaq. Ağdam klubu İspaniya səfərində qrup lideri "Sevilya"nın qonağı olacaq.

Avroliqanın rekord sayda - 5 qat qalibi olan meydan sahibləri bu matçın aşkar favoritidir. Bakıda keçirilən ilk görüşdə də Əndəlüs təmsilçisi "Qarabağ"dan üstün olub - 3:0. Bununla belə, qrupdan çıxmaq şansının çətinə salan Qurban Qurbanovun komandası səfərdən sərfəli nəticə ilə qayıtmağa çalışacaq.

Qrupun digər oyununda isə APOEL "Dedelanj"ın qonağı olacaq.

Qeyd edək ki, "Qarabağ" və APOEL-in 4 xalı olsa da, şəxsi oyunlardakı üstünlüyə görə Nikosiya təmsilçisi 2-ci, "Qarabağ" isə 3-cü pillədə yer alıb. Bu da o deməkdir ki, "Qarabağ" "Sevilya"ya uduzsa və APOEL Lüksemburq səfərində qalib gəlsə, təmsilçimiz qrupdan çıxmaq şansını itirəcək.

5-ci tur

A qrupu

00:00. "Sevilya" (İspaniya) - "Qarabağ" (Azərbaycan)
Baş hakim: Məhəmməd Əl-Hakim
Sevilya, "Ramon Sançes Pisxuan" stadionu

00:00. "Düdelanj" (Lüksemburq) - APOEL (Kipr)