İdman

AFFA-dan Təmkin Xəlilzadəyə sərt cəza

22 Oktyabr 2019 15:54
1 Şərh     Baxış: 1 228
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Sabah"ın müdafiəçisi Təmkin Xəlilzadənin cəzası məlum olub.

Milli.Az xəbər verir ki, AFFA İntizam Komitəsinin bu gün keçirilən iclasında futbolçu ilə bağlı aşağıdakı qərar qəbul olunub:

Premyer Liqanın VIII turunun "Keşlə" - "Sabah" matçı başa çatdıqdan sonra qonaq komandanın üzvü Təmkin Xəlilzadə hakimə fiziki təsir göstərməyə cəhd etdiyinə görə 5 oyun cəzalanıb, klub isə 4000 manat cərimə olunub.

Futbolçuya verilmiş 5 oyun cəzanın 3 oyunu şərti cəza kimi tətbiq edilir və 3 ay sınaq müddəti verilir. Sınaq müddəti ərzində futbolçu yenidən cəzalanacağı təqdirdə sanksiyanın növbəti hissəsi qüvvəyə minəcək.

Qeyd edək ki, oyunun 90+3-cü dəqiqəsində "Sabah"ın digər müdafiəçisi Filip İvanoviç ikinci sarı vərəqə alaraq meydandan kənarlaşdırıldığı üçün 1 oyun cəzalanıb. Klub isə 200 manat cərimə olunub.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.