Meksika çempionatında "Atletiko San Luis" - "Keretaro" oyunu 85-ci dəqiqədə təxirə salınıb.
Milli.Az goal.az-a istinadən xəbər verir ki, buna səbəb komandaların azarkeşləri arasında dava düşməsidir. Hər iki komandanın futbolçuları qarşıdurma yaradan azarkeşləri sakitləşdirməyə çalışıb. Ancaq daha sonra fanatlar meydana daxil olaraq, oyunçulara hücum etməyə başlayıblar. Futbolçular isə hücumlardan qorunmaq üçün meydançadan qaçıblar.
Bu səbəbdən 85-ci dəqiqədə dayandırılan qarşılaşma təxirə salınıb. Həmin vaxt "Keretaro" 2:0 hesabı ilə öndə olub.
Milli.Az