Macarıstan - Azərbaycan oyununun baş hakimi Denis Hiqlerin millimizin vurduğu təmiz qolu saymaması Avropa mətbuatının da gündəmini zəbt edib.
Milli.Az sportinfo.az-a istinadən xəbər verir ki, Macarıstan, Xorvatiya və Niderland saytları dünənki kobud səhv haqda yazıblar. Onlardan bəzilərinin sərlövhələrini təqdim edirik:
"Vecernji.hr" (Xorvatiya): "Hakimin faciəvi səhvi olmasaydı, artıq final mərhələsində idik".
"Ffcupdate.nl" (Niderland): "Hiqler Azərbaycan millisini "dəfn etdi": "İnanılmaz səhv".
"İndex.hu" (Macarıstan): "Hakimə və UEFA prezidentinə təşəkkür edirik"
"Goal.com/nl" (Niderland): "Hiqler qəzəb və inamsızlığa səbəb oldu".
"Rangado.24.hu" (Macarıstan): "VAR sistemi olsaydı, indi Macarıstanın qələbəsindən yox, xal itkisindən danışırdıq".
Qeyd edək ki, görüşün 90+3-cü dəqiqəsində Bəhlul Mustafazadənin vurduğu təmiz qolu qeydə almayan Hiqler, millimizi 1 xaldan edib.
Milli.Az