Çempionlar Liqasının qrup mərhələsinin II turunda "Tottenhem" üzərində səfər qələbəsi qazanan "Bavariya" əvəzində iki futbolçusunu itirib.
Milli.Az matc.az-a istinadən xəbər verir ki, müdafiəçilər Jerom Boatenq və David Alaba sıradan çıxıb.
Fasilədə qabırğasında ağrı hiss edən Alaba ikinci hissədə meydana çıxmayıb. Boatenq isə əzələ problemi yaşadığı üçün 72-ci dəqiqədə əvəzlənməli olub. Hər iki futbolçu bu gün Münhendə tibbi müayinədən keçəcək və yalnız bundan sonra onların durumuna aydınlıq gələcək.
Qeyd edək ki, "Tottenhem" - "Bavariya" matçı qonaqların 7:2 hesablı qələbəsi ilə yekunlaşıb.
Milli.Az