"Barselona"da İspaniya La Liqasının 6-cı turunun "Vilyarreal"la oyununda zədələnərək, meydanı tərk edən Lionel Messinin durumuna aydınlıq gəlib.
Milli.Az goal.az-a istinadən xəbər verir ki, argentinalı oyunçunun zədəsi elə də ciddi deyil. Bu barədə komandanın baş məşqçisi Ernesto Valverde klubun mətbuat xidmətinə açıqlamasında deyib:
"Messinin ciddi problemi yoxdur. Əzələsində yüngül ağrılar hiss etdi və biz də risk etməməyə qərar verdik".
Qeyd edək ki, "Barselona" "Vilyarreal"ı Antuan Qrizmann və Arturun qolları ilə 2:1 hesabıyla məğlub edib.
Milli.Az