İdman

"Azərbaycana uzaq səfəri bəhanə gətirmək istəmirəm" - Lopeteqi

23 Sentyabr 2019 13:21

0 Şərh Baxış: 1 652

#QARABAĞ #REAL MADRİD #İSPANİYA #SEVİLYA FK

"Real"la görüşdə sonadək mübarizə apardıq. Bir qol buraxmaqla uduzduq. Təəssüflənirəm ki, heç olmasa bir xal qazana bilmədik.

Milli.Az qol.az-a istinadən xəbər verir ki, bu sözləri "Sevilya"nın baş məşqçisi Xulen Lopeteqi İspaniya La Liqasının 5-ci turunda "Real"a qarşı matçdan sonra mətbuat konfransında deyib.

Evdə Madrid klubuna uduzduqları görüşü (0:1) şərh edən təcrübəli mütəxəssis məğlubiyyətin bir neçə gün əvvəl Azərbaycana uzaq səfərlə bağlı olmadığını bildirib: "Matçın ilk hissəsində qol imkanlarımız oldu. Lakin hücumları dəqiq zərbə ilə tamamlamadıq. Bu həftə "Qarabağ"la oyun üçün Azərbaycana uzun səfər etmişik. Məğlubiyyətə bununla bəhanə gətirmək istəmirəm. Həftədə iki matç keçiririk. Mövsümün sonuna qədər belə davam etməliyik".

Xatırladaq ki, "Sevilya" Bakıda "Qarabağ"a 3:0 hesabı ilə qalib gəlmişdi.

Milli.Az