İdman

“Barselona”nı məğlub edəcək səviyyədəyik” – Sançes

5 Sentyabr 2019 10:28

0 Şərh Baxış: 1 698

#BARSELONA #İNTER #FUTBOL

İtaliyanın "İnter" klubunun yeni transferi Aleksis Sançes Çempionlar Liqasının qrup mərhələsi ilə bağlı açıqlama verib.

Milli.Az komanda.az-a istinadən xəbər verir ki, çilili futbolçu, qrup mərhələsindəki rəqibləri "Barselona"nı məğlub edə biləcəklərini deyib:

"Barselona"ya qarşı oynamaq mənim üçün xüsusi olacaq. Orda bir çox uğurlar qazanmışam. Çox çətin oyun olacaq, amma "Barselona"nı məğlub edəcək səviyyədəyik.

Hələ də uğura acam. Oynamaq və kuboklar qazanmaq istəyirəm. Bunun üçün komanda yoldaşlarımla birlikdə mübarizə aparmağa məcburuq. Komanda kimi bir yerdə ola bilsək, bir çox uğuru qazana bilərik".

"İnter" Çempionlar Liqasının F qrupunda "Barselona", "Borussiya" (Dortmund) və "Slaviya" ilə mübarizə aparacaq.

30 yaşlı hücumçu 2011-2014-cü illərdə "Barselona"nın şərəfini qoruyub.

Milli.Az