Yeni mövsüm öncəsi "Real"ın heyətində zədəli futbolçular siyahısına daha biri əlavə olunub.
Milli.Az qol.az-a istinadən xəbər verir ki, Brahim Diaz və Marko Asensionun ardından yeni transfer Ferland Mendi də sıradan çıxıb.
"Lion"dan cəlb edilən fransız müdafiəçinin baldır nahiyəsindən aldığı zədə səbəbindən 3-4 həftə yaşıl meydanlardan kənarda qalacağı gözlənilir. Mendi "Atletiko", "Tottenhem" və "Zalsburq"la keçiriləcək yoldaşlıq matçlarını buraxmalı olacaq.
24 yaşlı oyunçunun ən yaxşı halda avqustun 24-də La Liqanın 2-ci turunda "Valyadolid"lə matça hazır olacağı gözlənilir.
Qeyd edək ki, Madrid klubu Mendini 48 milyon avro qarşılığında transfer edib.
Milli.Az