Rusiyanın "Dinamo" (Moskva) klubu Avstriyadakı təlim-məşq toplanışında növbəti yoxlama oyununu keçirib.
Milli.Az xəbər verir ki, Azərbaycan milli komandasının hücumçusu Ramil Şeydayevin yenicə müqavilə imzaladığı paytaxt təmsilçisi Çexiyanın "Sparta" (Praqa) klubu ilə üz-üzə gəlib.
İki qolun qeydə alındığı qarşılaşmada qalib müəyyənləşməyib - 1:1. 34-cü dəqiqədə hesabı açan moskvalılar 59-cu dəqiqədə öz qapılarında da top görüblər.
Ramil də bu görüşün iştirakçısı olub.
O, fasilədən sonra 46-cı dəqiqədə meydana buraxılıb və bununla da ötən gün müqavilə imzaladığı "Dinamo"da debüt edib.
Milli.Az