İdman

Əmiraslanov finalda, Qostiyev uduzdu - Avropa Oyunları

25 İyun 2019 21:23

1 Şərh Baxış: 893

#GÜLƏŞ

Belarusun paytaxtı Minskdə II Avropa Oyunları davam edir.

Milli.Az qol.az-a istinadən xəbər verir ki, bu gün sərbəst güləş yarışlarına start verilib. Güləşçilərimizin hamısı yarışa 1/8 finaldan qoşulub.

Bu mərhələdə Mahir Əmiraslanov (57 kq) bolqarıstanlı Georgi Vangelova 6:5 hesabı ilə qalib gələrək, 1/4 finala vəsiqə qazanıb. Bu mərhələdəki rəqibi Vladimir Yeqorovu (Şimali Makedoniya) da məğlub edən (4:0) güləşçimiz yarımfinalda rusiyalı Zavur Uquyevlə üz-üzə gəlib və rəqibini 3:2 hesabı ilə üstələyərək finala çıxıb.

74 kq çəki dərəcəsində güləşən Hacımurad Hacıyev elə ilk mərhələdəcə türkiyəli Soner Dəmirtaşa uduzub - 3:4. Dəmirtaş finala qədər yoluna davam etdiyi üçün Hacımurad təsəlliverici görüşlərə qatılmaq haqqı qazanıb. "Bürünc yolu"nda onun ilk rəqibi yunanıstanlı Kirillos Binenpaum olacaq.

Aleksandr Qostiyev (86 kq) 1/8 finalda moldovalı Deniv Balauru 7:1 hesabı ilə məğlub edərək, növbəti mərhələdə gürcüstanlı Sandro Aminaşviliyə rəqib olub. Gürcü güləşçiyə 6:2 hesabı ilə qalib gələn idmançımızın yarımfinaldakı rəqibi Dauren Kuruqliyevə (Rusiya) 0:6 uduzub. O, sabah bürünc medal uğrunda yarışacaq.

125 kq-da mübarizə aparan Cəmaləddin Məhəmmədov da yarışa uğurlu start verib. Vitali Piasniakla (Belarus) görüşdə 6:0-lıq qələbə qazanan güləşçimiz 1/4 finalda Macarıstan idmançısı Daniel Ligetinlə qarşılaşıb. Həmin görüşdə də 6:5 hesabı ilə qalib gələn pəhləvanımız yarımfinalda gürcüstanlı Givi Maçaraşvili ilə qarşılaşacaq.

Milli.Az