Rusiya idmançısı Anton Kolobov Bakıda keçirilən aerobika gimnastikası üzrə 11-ci Avropa çempionatında gənc gimnastlar arasında fərdi kişi proqramında birinci yerə yüksəlib.
Milli.Az Trend-ə istinadən bildirir ki, yarışda gümüş medalı ispaniyalı Migel Kabarro Mane qazanıb (20,900 bal), bürünc medala isə Daniel Tavokun sahib olub(Rumınıya, 20,550 bal).
Qeyd edək ki, mayın 26-da Milli Gimnastika Arenasında aerobika gimnastikası üzrə 11-ci Avropa çempionatının final mərhələsi start götürüb.
Final mərhələsində böyük və gənc gimnastlar fərdi qadın və kişi, qarışıq cütlük, üçlük, qrup, həmçinin aero dans, aero step (yalnız böyüklər) proqramında yarışacaqlar.
Ölkəmizi final mərhələsində aero-dans proqramında gənc gimnastlar komandası təmsil edəcək, böyük gimnastlar isə aero-dans proqramı və qruplar tərkibində çıxış edəcəklər.
Milli.Az