İdman

Milli Gimnastika Arenası gözəldir - britaniyalı məşqçi

25 May 2019 07:45
0 Şərh     Baxış: 874

Bakıda aerobika gimnastikası üzrə Avropa çempionatında idmançılar üçün yaxşı şərait yaradılıb.

Milli.Az bildirir ki, bunu Trend-ə Böyük Britaniyanın qrup komandasının məşqçisi Xolli Lou deyib.

O qeyd edib ki, Bakıda gimnastlar üçün yaxşı şərait yaradılıb:

"Biz hər şey ilə razıyıq. Yarışlar yüksək səviyyədə təşkil olunub. Hər şey çox yaxşıdır, həm Milli Gimnastika Arenası, həm də şəhərin özü. Deyə bilərəm ki, sizin zalınız çox gözəldir".

Öz komandasının çıxışından danışarkən, X.Lou onlardan razı qaldığını vurğulayıb, lakin gimnastların çıxışları zamanı bəzi nöqsanlara yol verildiyini qeyd edib.

Qeyd edək ki, mayın 24-ü Bakıda Milli Gimnastika Arenasında aerobika gimnastikası üzrə 11-ci Avropa çempionatının ilk yarış günü start götürüb.

Yarışın birinci günündə gənc gimnastlar mübarizə aparırlar. Ertəsi gün isə qitə çempionluğu uğrunda mübarizəyə böyük aerobika gimnastları qatılacaqlar. Yarışların sonuncu günündə isə final mərhələlərində Avropa çempionları müəyyənləşəcək.

Yarışlarda 22 ölkədən olan 400-ə yaxın böyük və gənc gimnastlar fərdi qadın və kişi, qarışıq cütlük, üçlük, qrup, həmçinin aero dans, aero step (yalnız böyüklər) proqramında yarışacaqlar. Qaydalara əsasən, bir iştirakçı bu kateqoriyaların maksimum üçündə çıxış edə biləcək. Komanda hesabında qaliblər isə 5 ən yaxşı çıxışa görə müəyyən ediləcək.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.