İdman

Azad Rəhimov: "UEFA rəsmiləri Bakıda final oyununun keçiriləcəyi stadionu qiymətləndiriblər"

24 May 2019 17:42
Baxış: 400

Bakı UEFA Avropa Liqasının final matçına tam hazırdır.

Milli.Az Trend-ə istinadən xəbər verir ki, bunu gənclər və idman naziri Azad Rəhimov deyib.

A.Rəhimov qeyd edib ki, Bakı bundan əvvəl Birinci Avropa Oyunları, İslam Həmrəyliyi Oyunları və digər beynəlxalq əhəmiyyətli yarışlara ev sahibliyi edib.

Nazir qeyd edib ki, Bakıda keçiriləcək UEFA Avropa Liqasının final matçında 30 mindən çox əcnəbi azarkeş iştirak edəcək.

Onun sözlərinə görə, UEFA rəsmiləri bundan əvvəl oyunun keçiriləcəyi Bakı Olimpiya Stadionunu yoxlayıblar və stadiona 5 ballıq cədvəl üzrə 4.5 bal veriblər:

"Azərbaycanlı futbolsevərlər də bu matçın keçirilməsini səbirsizliklə gözləyirlər".

Qeyd edək ki, mayın 29-da Bakıda UEFA Avropa Liqasının final oyunu keçiriləcək. Final oyununda "Çelsi" və "Arsenal" komandaları üz-üzə gələcək.

Milli.Az

loading...

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.