İdman

Alveş Eyfel qülləsindən mərc etdi ki...

24 May 2019 19:57

0 Şərh Baxış: 1 011

#REAL MADRİD #NEYMAR #FUTBOL #PSJ

PSJ-nin braziliyalı futbolçusu Dani Alves həmyerlisi Neymar barədə danışıb.

Milli.Az goal.az-a istinadən xəbər verir ki, Alves Neymarın Paris klubunda qalacağına əminliyini ifadə edib. O, müsahibə verdiyi jurnalistə bununla bağlı mərc edə biləcəyini də deyib:

"Mənim evimdə şam yeməyindən mərcə girə bilərəm ki, Neymar PSJ-də qalacaq. Bu azdır? Onda gəl Eyfel qülləsindən mərc edək. Mən hesab edirəm ki, Neymar karyerasını PSJ-də davam etdirəcək. O, hələ burdakı işini yekunlaşdırmayıb. Həyatda qarşına məqsəd qoymalısan, onları yerinə yetirməlisən. Məhz bundan sonra nə istəsən edə bilərsən".

Neymarın "Real"a keçəcəyi ilə bağlı söz-söhbət yayılıb.

Milli.Az