İdman

Kasilyasa daha bir şok - Arvadı xərçəngdən əməliyyat olundu

22 May 2019 15:50
0 Şərh     Baxış: 1 245

İspaniya millisinin sabiq qapıçısı İker Kasilyas həyat yoldaşı Sara Karbonero xərçəng xəstəliyindən müalicə aldığını bəyan edib.

Milli.Az xəbər verir ki, 35 yaşlı xanım jurnalist sosial şəbəkə hesabında yumurtalıq xərçənginə yoluxduğunu bildirib

"Həyat bizi yenidən təəccübləndirdi. Bir neçə gün öncə həkim müayinəsi zamanı vücudumda pis xassəli yumurtalıq şişinə rast gəlindi. Buna görə artıq əməliyyat edildim. Hər şey çox yaxşı getdi. Demək olar, şişi çox erkən aşkarladıq. Müalicəyə davam edirik. Sakitəm və hər şeyin yolunda gedəcəyindən əminəm. Bu yolun çətin olacağını ancaq xoş sonluqla bitəcəyini bilirəm. Ailəmin, dostlarımın və həkimlərin bütün varlıqları ilə yanımda olduqlarını bilirəm", - Karbonero qeyd edib.

Bir neçə gün öncə İker Kasilyas məşq zamanı ürək tutması keçirmiş və xəstəxanaya yerləşdirilmişdi.

Kasilyas və Karboneronun iki övladı var.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.