İdman

İdmançımız dünya çempionatının finalına yüksəldi

19 May 2019 13:48
0 Şərh     Baxış: 601

Azərbaycanın taekvondo üzrə böyüklərdən ibarət milli komandasının üzvü Milad Beigi Hərçəqani Böyük Britaniyanın Mançester şəhərində keçirilən dünya çempionatının finalına yüksəlib.

Milli.Az AZƏRTAC-a istinadən bildirir ki, dünya çempionatının dördüncü günündə 80 kiloqram çəki dərəcəsində kişilərin mübarizəsində taekvondoçumuz Milad Beigi Hərçəqani kubalı, fransalı və moldovalı idmançıları məğlub edərək yarışın yarımfinal mərhələsinə vəsiqə qazanıb. Bu mərhələdə onun rəqibi Koreya təmsilçisi olub.

Taekvondoçumuz yarımfinalda Koreya idmançısına da qalib gələrək finala adlayıb və yığmamız üçün ən azı gümüş medalı təmin edib.

Mayın 15-də start verilən çempionata bu gün yekun vurulacaq.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.