"Lion" klubunun yeni idman direktoru və baş məşqçisi məlum olub.
Milli.Az goal.az-a istinadən xəbər verir ki, Liqa 1 təmsilçisində idman direktoru vəzifəsinə Juninyo Pernambukano, baş məşqçi postuna isə Silvinyo gətiriləcək. Bu barədə "Lion"un prezidenti Jan-Mişel Olas Fransa mətbuatına açıqlamasında deyib.
Silvinyo Braziliya millisinin baş məşqçisi Titenin köməkçisi kimi çalışır.
"Lion"da bir müddət əvvəl baş məşqçi Bruno Cenesionun mövsümün sonunda komandadan ayrılacağı açıqlanmışdı.
Milli.Az