İdman

Ukraynalı gimnast: "Bakıda Milli Gimnastika Arenasında çıxış etmək rahatdır" - FOTO

17 May 2019 07:55
Baxış: 574
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bakıda Mili Gimnastika Arenasında çıxış etmək rahatdır.

Milli.Az bildirir ki, bunu Trend-ə bədii gimnastika üzrə Avropa Çempionatında qrup hərəkətləri üzrə komandanın tərkibində çıxış edən ukraynalı gimnast Viktoriya Denisenko deyib.

V.Denisenko qeyd edib ki, Milli Gimnastika Arenasında çıxış etmək rahatdır: "Zal çox xoşuma gəldi - gözəldir və burada çıxış etmək rahatdır, hər şey yüksək səviyyədədir. Təəssüf ki, çıxışlara hazırlaşdığımıza görə Avropa Çempionatının açılış mərasiminə baxa bilmədik. Lakin biz məşqi qismən gördük, və bu çox parlaq və qeyri-adi idi".

Gimnast bildirib ki, çıxışlarda üzərlərində işlənilməli səhvlər olub: "Məşqçi razı qaldı, biz maksimum yaxşı çıxış etməyə çalışırdıq. Biz əşyanı itirmədik, lakin üzərlərində işlənilməli səhvlər olub. Şənbə günü biz lentlərlə hərəkətlərdə çıxış edirik və qətiyyətlə buna köklənmişik".

Qeyd edək ki, bu gün Bakıda Milli Gimnastika Arenasında bədii gimnastika üzrə 35-ci Avropa Çempionatı start götürüb.

16-19 may tarixlərində keçiriləcək bu çempionatda fərdi proqramda böyük gimnastlar, qrup hərəkətləri proqramında isə gənc komandalar çıxış edəcəklər.

Yarışların ilk gününə gənclərdən ibarət qrup hərəkətləri komandalarının çıxışları ilə başlanılacaq. 17 may tarixində isə yalnız böyük gimnastlar xalça üzərində öz güclərini sınayacaqlar. Çempionatın 3-cü günü artıq komanda hesabında (böyük gimnastlar və gənc komandaların ortaq xalları əsasında) və qrup komandalarının çoxnövçülük yarışlarında qaliblərin adları açıqlanacaq. Və turnirin son günü ayrı-ayrı alətlər üzrə Avropanın ən yaxşı gimnastlarının adları məlum olacaq.

Çempionatda 35 ölkədən gimnastların iştirakı gözlənilir.

Azərbaycanı Avropa çempionatında yeniyetmələr arasında Nəzrin Cəfərzadə, Eleonora Yusifova, Ləman Əlimuradova, Fəridə Səfiyarzadə, Mədinə Əsədova, Selcan Hacızadə, Milana Əkbərovadan ibarət komanda təmsil edir.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.