İtaliya A seriyasının 36-cı turunun matçında "Roma"nın müdafiəçisi Alessandro Florensi ilə "Yuventus"un hücumçusu Kriştianu Ronaldu arasında qarşıdurma yaranıb.
Milli.Az goal.az-a istinadən xəbər verir ki, görüşün 59-cu dəqiqəsində yaşanan mübahisə zamanı portuqaliyalı hücumçu jestlə rəqibinin susmasına işarə edib. Ronaldu rəqibini onun boyunun kiçik olması ilə ələ salıb.
Qeyd edək ki, portuqaliyalı italiyalı rəqibindən 14 santimetr ucadır. Ronaldonun boyu 187 santimetr, Florensinin boyu isə 173 santimetrdir.
"Roma" - "Yuventus" matçı meydan sahiblərinin qələbəsi ilə yekunlaşıb - 2:0.
Milli.Az