İkinci Bundesliqanın 32-ci tur matçında "Köln" səfərdə Groiter "Fürth" komandasını 4:0 hesabı ilə darmadağın edib.
Milli.Az goal.az-a istinadən xəbər verir ki, bu qələbə "Köln"ə vaxtından əvvəl II Bundesliqanın qalibi olmaq və birinci diviziona vəsiqə qazanmaq şansı verib.
Köln çempionatın başa çatmasına iki tur qalmış "Paderborn 07" komandasını 8 xal qabaqlayır.
Beləliklə, "Köln" 2000-ci ildən bu yana artıq 6-cı dəfə Bundesliqaya vəsiqə qazanmış olub ki, bu da Avropanın aparıcı çempionatları arasında bir sinif yuxarı qalxmaq sayına görə rekorddur. Fransanın "Metz" klubunda bu say beşdir.
"Köln" komandası 1948-ci ildə təsis olunub.
Milli.Az