İdman

Avropa Liqasının final oyunu üçün Azərbaycana gələcək azarkeşlərlə bağlı nazirdən AÇIQLAMA

6 May 2019 10:09

Baxış: 902

#BAKI #AVROPA LİQASI #FUTBOL #UEFA

UEFA Avropa Liqasının final oyunu ilə bağlı Azərbaycana gələcək azarkeşlərin yerləşdirilməsində heç bir problem yaranmayacaq.

Milli.Az Trend-ə istinadən bildirir ki, bunu Gənclər və idman naziri Azad Rəhimov deyib.

A.Rəhimov qeyd edib ki, Bakıda otellərdə 17 mindən artıq otaq var: "Nəzərə alsaq ki, bəzi otaqlarda 2 nəfər qala bilər, bu, onu göstərir ki, azarkeşlər otellərdə tam şəkildə yerləşdirə bilərlər".

Gənclər və idman naziri daha sonra əlavə edib: "Təcrübə göstərir ki, Bakıda son illər çox sayda mənzillər də qonaqlara kirayəyə verilir. Bunun üçün xüsusi saytlar fəaliyyət göstərir. Formula 1 yarışına baxmaq üçün gələn qonaqlar da bu mənzillərdən tam şəkildə istifadə ediblər. Yenə də turistlər bu mənzillərdən istifadə edəcəklər".

Qeyd edək ki, mayın 29-da Bakı Olimpiya Stadionunda keçiriləcək Avropa Liqasının final matçı saat 23:00-da başlayacaq.

Milli.Az