Rusiyanın "Krılya Sovetov" klubu Azərbaycan milli komandasının futbolçusu Ramil Şeydayevlə yeni müqavilə məsələsini müzakirə edəcək.
Milli.Az futbol11.az-a istinadən xəbər verir ki, Samara təmsilçisi 23 yaşlı hücumçu ilə danışıqlar masasına mayın sonlarında əyləşəcək. Şeydayevin hazırkı müqaviləsi məhz cari mövsümün sonunadək nəzərdə tutulub.
Klub əslən azərbaycanlı yarımmüdafiəçi Aleksandr Səmədova bir və ya iki illik yeni müqavilə təklif edəcək. Bu, 35 yaşlı oyunçunun istəyindən asılı olacaq. Səmədovun özünün də hələ karyerasını davam etdirməkdə maraqlı olduğu bildirilir.
Ramil Şeydayevlə ötən yay 1 illik, Aleksandr Səmədovla isə bu qış yarım illik müqavilə bağlanılıb.
Qeyd edək ki, "Krılya Sovetov" 26 turdan sonra 27 xalla 16 komanda arasında 13-cü pillədə qərarlaşıb.
Milli.Az