İdman

"Sumqayıtdan olan futbolçular yanıma gəlirdilər" - Samiraldo

15 Aprel 2019 15:34
8 Şərh     Baxış: 3 958

Futboldan kənar sahələrdən olan tanınmış şəxslərlə müsahibələrimiz davam edir. 

Milli.Az xəbər verir ki, daim maraqlı açıqlamaları, paylaşımları ilə diqqətləri üzərinə çəkən tanınmış stilist Samiraldo idmanla bağlı fikirlərini Sport7.az-la paylaşıb.

- İdmanla aranız necədir?
- Mən idmanın ancaq bir növünü sevirəm, o da bal rəqsləri. İllərlə məşğul olmuşam. Hətta çempion da olmuşam. Neçə vaxtdı atmışam deyə çəkim də artıb. İdman yaxşı məşğuliyyətdi. Ancaq hər insanın ruhuna uyğun idman növü var. Məsələn, mən işimi-gücümü atıb saatlarca futbol matçlarına baxa bilmərəm. Buna səbrim çatmaz. Futbol ilə bağlı anlayışım da yoxdu, marağım da yoxdu. İnsanlar var ki, həyatlarını futbola həsr edirlər. Tək futbol yox, döyüş növləri ilə də heç vaxt maraqlanmamışam, məşğul olmamışam. Mənim ruhuma uyğun olan ancaq bal rəqsləridir. 

- Yəni, həyatınızda heç vaxt bir oyunluq da olsa futbol matçı izləməmisiniz?
- Oyyy... İzləmişəm. Dünya çempionatını. Bildiyiniz kimi, mən imicmeykerəm. İllərin stilistiyəm. Futbolçulara manken kimi baxmışam. Dünyaca məhşur futbolçuların saç düzümlərindən, onların imiclərindən oğurlamışam. Və bu imicləri müştərilərimin üzərində tətbiq edib pulumu qazanmışam. Yəni, buna görə futbola baxmışam. 
 
- Hansı futbolçunu yaraşıqlı, xarizmatik hesab edirsiniz?
- Əvvəl Ronaldonu çox bəyənirdim. İndi isə Messini. Baxır da, baxır... Bizimkilərdən var idi. Adları yadımdan çıxıb. Ancaq bizimkilərdən də yaraşıqlı olanlar var. Düzdü, bizimkilər elə də ucaboylu deyil, amma yaraşıqlı uşaqlarımız var. Əsasən Sumqayıtdan olan futbolçuları tanıyıram. Onlar yanıma gəlirdilər. Çox yaraşıqlı olanları var. 

Bir məqamı da qeyd edərdim. Bizim futboçularda komplekslər var. Tək onlarda yox, cəmiyyətdə komplekslər var. Niyə belə etdi və s. tipli qınaqlar. Dünyada isə belə şey yoxdu. 

- Misal üçün, sizə yen imic üçün müraciət edən futbolçular nəyə kompleks edirlər?
- Deyir  sabah oyunumuz var, daha fərqli, diqqət cəlb edən görsənmək istəyirəm. Bildiyiniz kimi, futbolçular meydanda hamısı eyni geyimdə olur deyə, daha çox saç düzümü, saqqalla diqqətdə ola bilirlər.  Mən təklif etmişəm ki, saçınızın rəngini göy, qırmızı edək. Onlar deyiblər ki, "yox, yox, yox". (gülür)...Ancaq saç kəsimlərində problem olmayıb. Sadəcə rəngləmə də problem olub. 
 
- Hər kəsin uşaqlıqda futbolla bağlı xatirələri var. Sizin ayağınıza heçmi top dəyməyib?
- Heç vaxt futbol oynamamışam. Uşaqlar gedib oynayırdılar. Mən pəncərədən belə baxmırdım. Futbola baxınca, rumba, ça-ça-ça, tanqo oynayardım. O vaxtı indiki kimi "youtube" yox idi. Musiqi ilə özüm ritm tutub, rəqs edirdim.

- Belə başa düşdüm ki, kobud idman növləri Samiraldoya görə deyil...
- Yox, yox. Mən özüm də kobud insan deyiləm axı. Baxmayaraq ki, bu həyatda, bu cəmiyyətdə kobud olmalısan. Ancaq mən kobudluğu öz həyatıma aşılamadım. İstəsəm ola bilərəm. Ancaq alınmır. Mən kobudluq eləsəm belə, elə düşünürlər ki, zarafat edirəm, şirin alınır. (gülür)...

Milli.Az

loading...

Şərh yaz:

8 Şərh:

  • Anonim
    Şərh · 15 Aprel 15:5863

    Samiraldo Ronaldo

    Cavab yaz
  • Anonim
    Fariz · 15 Aprel 18:4931

    Ona görede Sumqayitda futbol çökübdeee)))

    Cavab yaz
  • Anonim
    Sübhan · 15 Aprel 19:5040

    Elə düz vurgulamisan Messini))

    Cavab yaz
    • Anonim
      Kor yazar · 15 Aprel 20:3902

      Ama başda ronaldonu vurğulayıb )))))

      Cavab yaz
  • Anonim
    Sübhan · 15 Aprel 22:1810

    Ama faktdan söhbət gedir)))

    Cavab yaz
    • Anonim
      Kor yazar · 15 Aprel 22:2601

      Bilmirem neden söhbet gedir diqqetle oxu belke başa düşdün

      Cavab yaz
  • Anonim
    Sübhan · 16 Aprel 07:0600

    Diqqətə ehdiyac yoxdu görünən kəndə nə bələdçi))

    Cavab yaz
    • Anonim
      Kor yazar · 16 Aprel 19:0600

      Ok sen diyendi))

      Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.