Almaniyanın 3-cü Bundesliqasında 33-cü tura start verilib.
Milli.Az qol.az-a istinadən xəbər verir ki, millimizin hücumçusu Rüfət Dadaşovun çıxış etdiyi "Proyssen" səfərdə "Münhen 1860" ilə qarşılaşıb. Matç qonaq komandanın 1:0 hesablı qələbəsi ilə başa çatıb. Yeganə qolu 30-cü dəqiqədə məhz Rüfət Dadaşov vurub. 90 dəqiqə meydanda olan millimizin üzvü 77-ci dəqiqədə sarı vərəqə ilə cəzalandırılıb.
Bu qələbə sayəsində turnir cədvəlində rəqibini qabaqlayan "Proyssen" 6-cı pilləyə yüksəlib.
Qeyd edək ki, bu, Rüfətin üçücü liqada 8-ci qolu olub.
Milli.Az