İdman

Gimnastlarımız 2-ci Avropa Oyunlarına lisenziya əldə etmək şansı qazanıblar

13 Aprel 2019 17:56
Baxış: 269

Polşanın Şçeçin şəhərində artıq bir neçə gündür idman gimnastikası üzrə Avropa Çempionatı keçirilir.

Milli.Az bildirir ki, Azərbaycan Gimnastika Federasiyasından Trend-ə verilən məlumata görə, 38 ölkənin iştirak etdiyi qitə birinciliyində ölkəmizi kişilər arasında Murad Ağarzayev, Nikita Simonov, İvan Tixonov, qadınların yarışında isə Marina Nekrasova təmsil ediblər.

Çempionatın çoxnövçülük finalına vəsiqə qazanmış millimizin üzvləri İvan və Marina dünən baş tutan final mərhələsində öz güclərini sınayıblar. Təmsilçilərimiz müvafiq olaraq, 78.665 xalla 21-ci və 48.465 xalla 23-cü yerdə qərarlaşıblar.

Həmçinin, gimnastlarımız bu il Minskdə baş tutacaq (Belarus) 2-ci Avropa Oyunlarına lisenziya əldə etmək şansı da qazanıblar.

Milli.Az

loading...

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.