İdman

Zidan qapını oğluna tapşırdı - "Onun oyununu ata kimi deyil, məşqçi kimi qiymətləndirirəm"

1 Aprel 2019 12:31

0 Şərh Baxış: 2 289

#REAL MADRİD #İSPANİYA #FUTBOL #ZİNNƏDİN ZİDAN

"Real"ın baş məşqçisi Zinəddin Zidan komandasının "Hueka" üzərində qələbəsini (3:2) şərh edib.

Milli.Az goal.az-a istinadən xəbər verir ki, çalışdırıcı oğlunun heyətdə yer almasına da münasibət bildirib:

"Yaxşı matç oldu. "Hueska" bizə əməlli-başlı tər tökdürdü. Birinci qolu öz səhvimizdən buraxdıq. Futbolçularım yorğun idi. Bundan əvvəl iki ağır oyunumuz olmuşdu. Ardıcıl 15 gün məşq edənləri meydana buraxdım. Ümumilikdə matç məni qane etdi. Qalib gəlmək üçün ən yaxşı heyəti seçmək lazım gəlir. Mövsüm "Real" üçün ağır keçir. Kiməsə nəsə vəd vermək istəmirəm. Lyuka gəlincə, klubda üçüncü qapıçıdır. Kurtua hazır deyildi. Keyloru buraxmaq olardı. Amma biz Lyuka şans verdik. Oğlum olduğu üçün yox, "Real"ın qolkiperi kimi oyuna çıxmışdı. Bütün futbolçular kimi onun buna haqqı var. Oğlumun oyununu ata kimi deyil, məşqçi kimi qiymətləndirirəm. Mövsümü normal şəkildə başa vurmağa çalışacağıq. Komandada motivasiya, əzmkarlıq var".

Milli.Az