"Mançester Yunayted"in futbolçusu "Barselona"nın maraq dairəsindədir.
Milli.Az komanda.az-a istinadən xəbər verir ki, Kataloniya klubu "Real"ın da maraq dairəsində olan Markus Reşfordun adını transfer siyahısına əlavə edib.
İngiltərəli forvardın Joze Mourinyonun rəhbərliyi altında oynayarkən komandadan ayrılmaq istədiyi, amma Ole-Qunnar Sulşerin gəlişindən sonra xoşbəxt olduğu və karyerasını Premyer Liqa klubunda davam etdirmək istədiyi deyilir.
"Qırmızı şeytanlar"ın Reşford üçün 100 milyon avrodan aşağı təkliflərə baxmayacağı bildirilir.
"Mançester Yunayted"lə 2020-ci ilədək müqaviləsi olan 21 yaşlı futbolçu, bu mövsüm iştirak etdiyi 32 oyunda 10 qol vurub, 8 məhsuldar ötürmə edib.
Milli.Az