İdman

Azərbaycanlı idmançı UFC ilə müqavilə bağlamaq üçün ABŞ-da

18 Fevral 2019 15:15
2 Şərh     Baxış: 1 353
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Sambo üzrə Azərbaycanın yeddiqat çempionu, Dünya Kubokunun qalibi Bəxtiyar Abbasov dünyanın ən güclü turniri olan UFC-də çıxış edə bilər.

Milli.Az xəbər verir ki, bu barədə oxu.az-a idmançının özü məlumat verib. O, bununla əlaqədar olaraq ABŞ-a getdiyini açıqlayıb.

"Hazırda Mayamidə toplantıdayam. Təşkilatçılar istəyir ki, mən 77 kq çəki dərəcəsində döyüşüm. Özüm isə 84 kq çəki dərəcəsində döyüşlərə çıxıram. Ona görə də istəyirlər ki, çəkimi aşağı salım. Amma əvvəl üç dəfə çəkimi 77 kq-a salsam da, özümü yaxşı hiss etməmişəm və uduzmuşam. Bununla belə mənə deyiblər ki, gəl, danışaq. Ona görə də buradayam. Bir həftəyə mənim UFC ilə müqavilə bağlayıb-bağlamamağım bilinəcək", - deyə idmançı vurğulayıb.

Qeyd edək ki, Bəxtiyar Abbasovun UFC-də çıxış edə biləcəyi xəbərini ötən ay ilk olaraq məhz saytımız yazmışdı.

Onu da bildirək ki, UFC-də bu vaxta kimi heç bir azərbaycanlı döyüşməyib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.