İdman

Salanın ailəsindən şok iddia - Öldürülüb

18 Fevral 2019 14:35

0 Şərh Baxış: 1 365

#QƏZA #TƏYYARƏ #FUTBOL

Bu yaxınlarda La-Manş boğazına düşən təyyarədə həlak olan argentinalı futbolçu Emiliano Sala ilə bağlı yeni iddia ortaya atılıb.

Milli.Az matc.az-a istinadən xəbər verir ki, "Nant"dan "Kardiff"ə transfer olunan oyunçunun ailəsi onun öldürüldüyünü iddia edib.

Onun qohumu Martin Qatti hücumçunun qəsdən öldürüldüyünü söyləyib. O, ailəsinin də bu fikirdə olduğunu vurğulayıb: "Biz bunun qəza olduğuna inanmırıq. Emilianonun öldürüldüyünü düşünürük. Çünki baş verənlərlə deyilənlər üst-üstə düşmür. Bu məsələ yenidən araşdırılmalıdı. Hadisə "təyyarə düşdü, iki nəfər öldü" kimi bağlanmamalıdı. "Kardiff"lə müqavilə imzaladıqdan sonra Salanı o təyyarəyə aparan və pilotu tapan şəxslər araşdırılsın. İşin içində pul varsa, başqalarının həyatına önəm verməyənlər çox olur".

Qeyd edək ki, Emiliano Sala böyüdüyü Proqreso şəhərində son mənzilə yola salınıb.

Milli.Az