Azərbaycan Milli Karate Federasiyasının prezidenti, Dünya Karate Federasiyasının (WKF) texniki komitəsinin üzvü Yaşar Bəşirov WKF-in medalı ilə təltif edilib.
Milli.Az AZƏRTAC-a istinadən bildirir ki, Dubayda keçirilən Karate 1 Premyer Liqa turnirinə qatılan Azərbaycan nümayəndə heyətinin rəhbəri Y.Bəşirov yarış çərçivəsində bir sıra görüşlər keçirib.
WKF-in prezidenti Antonio Espinos və turnirin təşkilat komitəsinin rəhbəri, həmçinin WKF-in vitse-prezidenti Nasser Alrazooqi ilə görüşdə Y.Bəşirov təltif olunub.
Görüşlərdə karatenin inkişafı və kütləviliyinin artırılması məsələləri ilə bağlı fikir mübadiləsi aparılıb.
Milli.Az