İdman

Şahmatçı Günay Məmmədzadə Azərbaycan çempionu oldu - FOTO

12 Fevral 2019 21:33
0 Şərh     Baxış: 712
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Fevralın 12-də şahmat üzrə qadınlar arasında Azərbaycan çempionatı başa çatıb.

Milli.Az AZƏRTAC-a istinadən bildirir ki, 18 şahmatçının mübarizə apardığı yarışda liderliyi əldən verməyən Günay Məmmədzadə 8,5 xalla Azərbaycan çempionu adını qazanıb.

Xanım Balacayeva 6,5 xalla ikinci yeri tutub. Onunla eyni xala malik olan Gövhər Beydullayeva isə üçüncü pillədə qərarlaşıb.

Oyunlar başa çatdıqdan sonra yarışların bağlanış mərasimi keçirilib. Azərbaycan Şahmat Federasiyasının vitse-prezidenti Faiq Həsənov çıxış edərək builki ölkə çempionatında güclü şahmatçıların mübarizə apardığını vurğulayıb. Qeyd edib ki, 2019-cu ildə şahmat üzrə qadın yığmamızı bir sıra nüfuzlu turnirlər gözləyir. O deyib ki, ölkə çempionatında şahmatçılarımız yüksək potensial nümayiş etdiriblər. Vitse-prezident növbəti ölkə çempionatının dairəvi sistem üzrə keçiriləcəyini qeyd edib.

Sonra çıxış edən yarışların baş hakimi Lütfiyar Rüstəmov ölkə çempionatının yüksək səviyyədə keçirildiyini, gənc şahmatçıların inamla mübarizə apardıqlarını qeyd edib.

Sonda qalib və mükafatçılar diplom, fəxri fərman və pul hədiyyələri ilə mükafatlandırılıblar.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.