İdman

Azərbaycanlı idmançı Makqreqorun komandasının üzvünə qarşı

9 Fevral 2019 19:57
4 Şərh     Baxış: 777

Martın 2-də Ukraynanın paytaxtı Kiyevin İdman Sarayında WWFC 14 versiyası üzrə dünya çempionu müəyyənləşəcək.

Milli.Az oxu.az-a istinadən bildirir ki, ən yüngül çəkidə (-57 kq) Kiyevdən olan Teymur Rəhimovla irlandiyalı Bleyn ODriskol üz-üzə gələcək.

Teymur Rəhimov 1988-ci ilin iyunun 7-də Bakıda doğulsa da, dörd yaşında valideynləri ilə birgə Ukraynaya köçüb. Onun karate, kikboksinq, əlbəyaxa döyüş, muay-tay və klassik boksda nəticələri olub.

"Mən MMA-da qalmağa qərar verdim. Çünki bu idman növü bütün dünyada praktiki, mükəmməl və sürətli dərəcədə inkişaf edir", - deyə Rəhimov bildirib.

2016-cı ildə Çində peşəkar MMA karyerasına başlamış Rəhimovun 2018-ci ilin əvvəlinə kimi üç qələbəsi və bir məğlubiyyəti olub. Ötən ilin əvvəlində isə o, sürətlə çempionluq tituluna doğru hərəkət etməyə başlayıb.

Hazırda onun aktivində keçirdiyi səkkiz görüşdə yeddi qələbə (üç dəfə nokaut, iki dəfə təslimetmə, iki dəfə xal hesabına) və bir məğlubiyyət var. Bu qələbələrdən biri azərbaycanlı Səttar Mahmudovla ötən ilin mayın 13-də Ukraynanın Zakarpatye şəhərində keçirilmiş döyüşdə qazanılıb.

Onun rəqibi Bleyn ODriskol isə səkkiz görüşdə altı qələbə (iki dəfə nokaut, iki dəfə təslimetmə, iki dəfə xal hesabına) qazanıb və iki dəfə məğlub olub. 27 yaşlı idmançı 2015-ci ilin oktyabrından UFC döyüşçüsü Konor Makqreqorun "SBG Ireland" komandasının üzvüdür.

O, ötən ilin mayında ingilis Aaron Robinson üzərində qələbədən sonra 57 kq-da döyüşməyin onun üçün parkda gəzinti olduğunu, fikrinin UFC-yə qatılmaq olduğunu bildirib. 

Milli.Az

loading...

Şərh yaz:

4 Şərh:

  • Anonim
    asi · 9 Fevral 20:1510

    Uğirlar, qələbə arzulayıram azərbaycanlı idmançıya..

    Cavab yaz
    • Anonim
      Daglı · 9 Fevral 20:5520

      Amin. Bizim bacıogluda dekabrda ölkə ikincisi oldu, MMA döyüşü üzrə,azyaşlılar arasında,9-cu sinifdə oxuyur)

      Cavab yaz
      • Anonim
        asi · 9 Fevral 21:0810

        Salam..Təbrik edirəm..Gələcəyin Zabiti, Həbibi olsun..Biz də gələcəkdə oxuyanda deyək ki, bu idmançının dayısıni Millidən tanıyırdıq)..

        Cavab yaz
        • Anonim
          Daglı · 9 Fevral 21:1710

          Əleyküm-salam,çox sag ol). Əslində qalib idi,hakim haqsızlıgı olub, videosuna baxdım, rəqibi təslim olub imdad istəyir,hakim oyunu saxlamır. Rəqibin müəllimi həmin yarışların əsas təşkilatçılarından imiş, bacıoglu bu il Hərbi məktəbə imtahan verəcək inşallah.

          Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.