İdman

Azərbaycan idmançısı çıxışı ilə hər kəsi heyrətləndirdi - VİDEO

24 Yanvar 2019 10:05
3 Şərh     Baxış: 2 844
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Yanvarın 23-də Minskdə fiqurlu konkisürmə üzrə Avropa çempionatı start götürüb.

Milli.Az oxu.az-a istinadən xəbər verir ki, çempionatda Azərbaycan iki idmançı ilə təmsil olunur.

Qadınların yarışında ölkəmizi təmsil edən 15 yaşlı Yekaterina Ryabovaqısa proqramda 59,95 balla yeddinci yeri tutub.

Ümumilikdə qısa proqramda 36 idmançı iştirak edib, onlardan ən yaxşı göstəricisi olan 24 nəfər yanvarın 25-də sərbəst proqramda iştirak etmək hüququ qazanıb.

Mütəxəssislər Azərbaycan təmsilçisinin çıxışını gözlənilməz adlandıraraq, onu turnirin favoritlərindən biri kimi qiymətləndiriblər. Bunu tribunaların reaksiyasından da hiss etmək olardı.

Y.Ryabova özü də çıxışından razı qaldığını bildirib.

"Qısa proqramda yaxşı nəticə göstərmək istəyirdim və bu, alındı. Həyatım boyu belə nüfuzlu yarışlarda iştirak etməyi arzulamışam, çox xoşbəxtəm ki, mənim Avropa çempionatında debütüm yaxşı alınır", - o jurnalistlərə açıqlamasında vurğulayıb.

Ryabova qeyd edib ki, rəsmi məşqlərdə çox həyəcanlı olub, lakin buz üstünə çıxdıqdan sonra sakitləşməyi bacarıb. 

İdmançı azarkeşlərə də təşəkkür etməyi unutmayıb:

"Böyük dəstək var idi, tribunalara təşəkkür edirəm", - o bildirib.

Qeyd edək ki, yanvarın 24-də digər Azərbaycan təmsilçisi 17 yaşlı Vladimir Litvinçev kişilərin yarışında öz məharətini göstərəcək.

Milli.Az

Videonu izləmək üçün şəklə klikləyin:
Azərbaycan idmançısı çıxışı ilə hər kəsi heyrətləndirdi

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.