Bolqarıstanın "Botev" klubunun vinqeri Qustavo Zauer Portuqaliyanın "Boavişta" klubuna transfer olub.
Milli.az xəbər verir ki, solaxay futbolçu Portu təmsilçisi ilə 2021-ci ilin yayına kimi müqavilə imzalayıb. "Record" nəşrinin iddiasına görə, Zauer "Vitoriya Qimaraynş", "Qarabağ" və "Legiya" klublarından da təklif alıb.
Qeyd edək ki, 25 yaşlı futbolçu Braziliyanın "Yoinvill" klubunun yetirməsidir. O, Ermənistanın "Qancasar", Cənubi Koreyanın "Daejeon", BƏƏ-nin "Əl-Şabab" klublarında da çıxış edib.
Milli.Az