19:52
Türkiyənin Antalya bölgəsində təlim-məşq toplanışında olan "Səbail" klubu bu gün ikinci yoxlama oyununa çıxıb.
Milli.Az "Report"a istinadən bildirir ki, Aftandil Hacıyevin baş məşqçi olduğu kollektiv İsveçrə "Sürix"i ilə qarşılaşıb.
"Miracle Resort" İdman Kompleksinin stadionunda təşkil olunmuş oyun 1:1 hesablı heç-heçə ilə yekunlaşıb.
Hesabı 37-ci dəqiqədə Ağabala Ramazanov açsa da, 79-cu dəqiqədə Marko Şönbaxler bərabərlik qolunu vurub. Bununla da "Səbail" qələbə hesabını qoruya bilməyib.
Yoxlama oyunu
19 yanvar
17:00. "Səbail" - "Sürix" (İsveçrə) 1:1
Qollar: Ağabala Ramazanov, 37 - Marko Şönbaxler, 79
"Miracle Resort" İdman Kompleksinin stadionu
Qeyd edək ki, "Səbail" ilk yoxlama oyununda Macarıstan "Aqvital"ını yenib - 3:2.
08:08
Mövsümün ikinci yarısına Antalyada hazırlaşan "Səbail" bu gün növbəti yoxlama oyununa çıxacaq.
Milli.Az qol.az-a istinadən xəbər verir ki, Aftandil Hacıyevin komandası İsveçrənin "Sürix" klubu ilə qarşılaşacaq. Yüksək liqa təmsilçisi ilə oyun Bakı vaxtı ilə saat 17:00-da başlayacaq.
Qeyd edək ki, "Səbail" ilk sınaq matçında Macarıstanın "Aqvital" klubuna 3:2 hesabı ilə qalib gəlib.
19 yanvar
Yoxlama oyunu
17:00. "Səbail" (Azərbaycan) - "Sürix" (İsveçrə)
Milli.Az