"Mançester Yunayted" komandadan ayrılacağı deyilən Maruan Fellaini ilə bağlı qərarını verib.
Milli.Az komanda.az-a istinadən xəbər verir ki, "qırmızı şeytanlar" 31 yaşlı futbolçunu qış transfer dövründə satmağa qərar verib. Klub onun transfer qiymətini də müəyyənləşdirib. Baş məşqçi Ole-Qunnar Sulşerin heyətdə görmədiyi futbolçunun transfer qiyməti 17 milyon avro olaraq müəyyənləşdirilib.
Fellaini ilə "Milan", "Portu", "Fənərbaxça" kimi klubların maraqlandığı deyilir.
"Mançester Yunayted"lə 2020-ci ilədək müqaviləsi olan yarımmüdafiəçi, Premyer Liqanın son iki oyununda iştirak etməyib.
Milli.Az