İdman

"Qızıl zibilqabı"nın yeni sahibi

10 Yanvar 2019 08:03

0 Şərh Baxış: 993

#İDMAN

İtaliya A Seriyasında ilin ən uğursuz futbolçusu üçün verilən "Qızıl zibilqabı" mükafatının sahibi müəyyənləşib.

Milli.Az qol.az-a istinadən xəbər verir ki, azarkeşlər arasında keçirilən sorğuda hazırda "Atletiko"da çıxış edən Nikola Kaliniç daha çox səs toplayıb.

Ötən mövsüm icarə əsasında "Milan"da oynayan 31 yaşlı hücumçu 49,1 faiz səs yığıb. Xorvatiyalı futbolçu "Milan"da 31 oyuna 6 qol vurub.

"Roma"nın hücumçusu Patrik Şik (19,3%) ikinci, "Milan"ın daha bir hücumçusu Andre Silva (13,3%) üçüncü yeri tutub.

Qeyd edək ki, indiyədək A Seriyasında Rivaldo, Kristian Vyeri, Riikardo Quarejma və Adriano kimi futbolçular "Qızıl zibilqabı" mükafatına layiq görülüb.

Milli.Az