"Borussiya"nın (Dortmund) gənc yarımmüdafiəçisi Kristian Pulişiç iki İngiltərə klubunun maraq dairəsindədir.
Milli.Az komanda.az-a istinadən bildirir ki, "Liverpul" və "Çelsi" 20 yaşlı futbolçunun transferində maraqlıdır. Hər iki klubun qış transfer pəncərəsi dövründə Almaniya klubuna rəsmi təklif göndərəcəyi deyilir.
Amerikalı futbolçunun "Bavariya"nın da transfer siyahısında olduğu deyilir.
"Borussiya" ilə 2020-ci ilə qədər müqaviləsi olan futbolçunun transfer qiyməti 80 milyon avro olaraq müəyyənləşdirilib.
Pulişiç bu mövsüm "Borussiya"nın heyətində iştirak etdiyi 18 oyunda 3 qol vurub, 4 məhsuldar ötürmə verib.
Milli.Az