"Astana"nın yarımmüdafiəçisi Riçard Almeyda qış fasiləsində "Qarabağ"a qayıdacağı ilə bağlı yayılan xəbərlərə münasibət bildirib.
Milli.Az qol.az-a istinadən xəbər verir ki, millimizin üzvü "Sports.kz" saytına açıqlamasında bu barədə heç nə bilmədiyini söyləyib. Hazırda vətəni Brailiyada olan 29 yaşlı futbolçu istirahət etdiyini deyib:
"Bu barədə heç nə bilmirəm. Mənim "Astana"ilə müqaviləm davam edir. Mövsüm başa çatdığı üçün hazırda Braziliyada dincəlirəm".
Qeyd edək ki, 2012-2018-ci illərdə "Qarabağ"ın formasını geyinən Almeyda ötən mövsümün sonunda "Astana"ya keçib. Onun Qazaxıstan klubu ilə hələ 1,5 illik müqaviləsi var.
Milli.Az