"Olimpiakos"un futbolçusu Yaya Ture komandanı tərk edib.
Milli.Az goal.az-a istinadən xəbər verir ki, 35 yaşlı yarımmüdafiəçinin müqaviləsinə qarşılıqlı razılaşma əsasında xitam verilib.
O, mövsümün əvvəlində Manchester City ilə müqaviləsi başa çatdıqdan sonra azad agent kimi "Olimpiakos"a keçmişdi. Ture 2005/2006 mövsümündə də "Olimpiakos"un şərəfini qoruyub. O, bu komanda ilə Yunanıstan çempionu olub.
Ture karyerası ərzində "Monako", "Barselona", "Mançester Siti" kimi klublarda forma geyinib. O, 97 dəfə Fil Dişi Sahili millisinin şərəfini qoruyub.
Milli.Az