"Bavariya"nın futbolçusu Kinqsli Koman karyerasını bitirə bilər.
Milli.Az komanda.az-a istinadən bildirir ki, 22 yaşlı yarımmüdafiəçi bu barədə İtaliya mətbuatına açıqlamasında deyib:
"Ötən mövsüm çox çətin keçdi. Artıq iki dəfə əməliyyat edilmişəm. Bu, mənim üçün kifayətdir, 3-cü əməliyyata da ehtiyac olsa da, bunu qəbul etməyəcəm. Karyeramı bitirib, fərqli həyat tərzi keçirəcəm".
Ötən mövsümün əvvəlində zədələnən Koman, iki dəfə əməliyyat edilib. Zədə səbəbindən DÇ-2018-də iştirak edə bilməyən fransız futbolçu, cari mövsümün əvvəlində də yenidən zədələnib.
Bu mövsüm cəmi 5 qarşılaşmada iştirak edən Koman, bu oyunlarda 1 dəfə fərqlənib.
Milli.Az