"Milan"ın rəhbərliyi klubun yeni baş direktoruna maraqlı cəza növü seçib.
Milli.Az goal.az-a istinadən xəbər verir ki, bir neçə həftə öncə "Milan"da baş direktor vəzifəsinə təyin edilən İvan Qazidisin önünə maraqlı cəza növü qoyulub. Belə ki, 10 ilə yaxın "Arsenal"da eyni vəzifəni icra edən Qazidis əgər "Milan" klubunun ofisində, muzeyində və yaxud kluba aid olan digər məkanlarda "Arsenal"a aid fikir söyləyərsə və yaxud Arsenal-ı yadına salarsa 100 avro civarında cərimələnəcək.
İtaliya klubunun İngiltərə klubu ilə əzəli rəqib olmadan belə bir qərar qəbul etməsi futbol mediasında təəccüblə qarşılanıb.
Qeyd edək ki, İvan Qazidis "Milan"da illik 7 milyon avro maaş alır.
Milli.Az