İdman

"Liverpul"dan tarixi rekord

6 Dekabr 2018 15:08

0 Şərh Baxış: 1 106

#FUTBOL #İNGİLTƏRƏ #LİVERPUL

İngiltərə Premyer Liqasının XV turunda səfərdə "Börnli"ni 3:1 hesabı ilə məğlub edən "Liverpul" klubu yeni rekord müəyyənləşdirib.

Milli.Az report-a istinadən xəbər verir ki, bu qələbədən sonra komanda 126 illik tarixi ərzində çempionatda ən yaxşı başlanğıcını edib.

Yurgen Kloppun baş məşqçilik etdiyi kollektiv 15 matçın 12-də qələbə qazanıb və üç qarşılaşmada heç-heçə edib.

Qeyd edək ki, "Liverpul" 1892-ci ildə yaranıb. Komanda hazırda 39 xalla turnir cədvəlində 2-ci sıradadır. "Mançester Siti" isə 41 xalla 1-ci yerdədir. "Mersisaydlılar" XVI turda "Bornmut"un qonağı olacaq. Dekabrın 8-də keçiriləcək qarşılaşma Bakı vaxtı ilə saat 16:30-da start götürəcək.

Milli.Az